2010年1月28日
2010-1-28 19:03:35 阅读(12) 评论(1)
我係唔寫QQ空間嘅，所以所有想順便而為之嘅人都冇乜好睇。題外話。
為兩餐，連日加班。加完班，又會諗，其實去邊度咪一樣，所以不如留喺屋企。每次習慣咗一個工作之後，我都會比一個人攝埋喺屋企快樂好多，或者係因為有人畀錢自己打發時間嘅原因。冇得揀嘅話，咁諗都可以聊以自慰。
睇人哋D舊相，忽然想起一D關於自己嘅舊事。某個姿勢令我回憶起完全不相關嘅一D舊識。原來舊時大家都曾經係咁嘅。佢哋影低嗰D相嘅嗰一年，我過得好開心，好充實。我都勢估唔到若干年後我會同佢哋一齊共事，喜歡或者唔喜歡佢哋。對於當時嘅我嚟講，佢哋都衹不過係一群素不相識嘅人。佢哋見到咗我錯過嘅人同事，但當我同佢哋一齊嘅時候，一切嘢都唔同咗，一切天真幻想同愛慕全部都衹有在想像中重現。
U gotta make ur own break. Go go go go go!
2010年1月12日
2010-1-12 17:37:42 阅读(7) 评论(2)
近幾個月成日有人靜靜雞問：“妳（or佢，if it's behide me）三十歲未？”
唔係第一日意識到自己老，不過人哋咁一問，徒添幾分滄桑（哈哈哈哈哈哈！）
Anyway，我都仲可以當住人面大笑一餐，然後話：老餅又好，老柴又好，做一隻識笑識搞笑嘅老嘢，總勝過憂傷嘅細路！
就算有得返轉頭，我諗我都係咁咖啦。既然係咁又何必後悔呢？況且我唔覺得三張嘢算老，覺得三張嘢係老嘅人，衹不過係自己接受唔到自己亦都會有咁嘅一日嘅現實。
老又有咩唔好呢？衹要未老到保險月供double上，買重壽險都可以係一大快事。Happiness base on opinion but not age.
就算因為我嘅年紀外貌而唔想介紹異性畀我認識，我都唔介意。
Just be adult, not growing old.
Announcement
2009-12-3 18:10:48 阅读(22) 评论(4)
現有禮物ABCDE等等，徵求隨機送禮物方法
採用的方法就用來送禮物給你/妳，外加R記創意大獎一份
幫幫忙啵！：）