<![CDATA[^_^->因爲我不帥,才要裝可愛!!!]]> http://blog.163.com/chri5_mao zh-CN Fri, 19 Sep 2008 01:40:05 +0800 Fri, 19 Sep 2008 01:40:05 +0800 http://blogs.law.harvard.edu/tech/rss 120 <![CDATA[^_^->因爲我不帥,才要裝可愛!!!]]> http://ava.blog.163.com/photo/G0_oT8RyGaSUOIF4jqAg_w==/170573835888937483.jpg http://blog.163.com/chri5_mao <![CDATA[2008.09.19 思念]]> http://blog.163.com/chri5_mao/blog/static/10426859200881913910350                                                    也許,我習慣曬城市嘅生活,又或者,我唔適合做農民.
         嚟咗哩到唔多唔少,都有3個幾月了!習慣城市生活嘅我,成日抱怨哩到嘅生活唔便利,亦都俾我感受到農村人嘅生活喺幾咁清閑,又可以講喺忙碌嘅生活!
          首先我要多謝我隻狗,boss仔!有咗佢,我先可以每晚瞓個安樂覺!佢成為咗我嘅防盜警鐘!第一次發覺原來佢唔喺廢柴,仲好有用!由於冇帶相機!用住張舊相先了!


          言歸正傳,嚟到哩到咁耐,真喺成日都掛住返深圳!哩到嘅生活非常之唔便利!三更半夜,食完包煙,想去買,邊到有鋪仔咁夜仲開啊!半夜肚餓!食宵夜?諗都唔使諗喇!哩個連買支洗頭水都要跑十幾公里遠嘅地方!我慢慢開始覺得有啲討厭了!掛住深圳嘅便利,掛住深圳的夜晚,掛住深圳嘅朋友!喺到,根本冇個同齡人,後生嘅,讀緊小學!想揾個人傾計真喺好難!留低喺到嘅唔喺老就嫩!講真,真喺好寂寞,好難挨!回想起以前,就算無聊,都可以揾個朋友落樓下坐下,又或者落茶餐廳吹下水,喺哩到一入夜,周圍明燈都睇唔到一盞!寂寞一直圍繞住我!唯一同我交流嘅,衹可以喺online嘅朋友,又或者喺我部PSP!每當群里面嘅friend喺到組織去邊去邊,我就完全喺局外人,冇得搭嗲!因為,我喺四會.........!朋友就要結婚了!全部都見曬佢嘅未來老婆,得我,未見過!因為,我喺四會......!


             每日,一起身,就喺對住啲花花(我啲豬),首要任務,喂佢哋食嘢,清洗豬欄!工作量唔大!完全唔使用腦!我個腦接近荒廢了!話唔忙,因為工作單一,冇乜技巧!亦都唔需要特別知識!話忙,喺因為成日做好多我覺得好無謂嘅嘢!鋤草,割菜!哩啲生活可能到我七老八十嗰陣會想要!但喺依家!我好像逃脫!你要一個25歲嘅後生仔日對夜對哩啲咁嘅嘢!我認為真喺冇幾個人挨得!

 
                 前幾日,撈B德話心情唔多好,過嚟散心!嚟到睇到我住嘅地方,佢覺得不可思議!咁嘅地方都住到!仲衰過深圳最差嗰種屋!仲要屋逢夜雨兼漏水,佢都好佩服我可以喺到挨咁耐!喺啊!其實我都好佩服我自己啊!點解可以喺啲咁嘅鬼地方挨咁耐啊!喺到工作量唔辛苦,最辛苦難挨嘅喺寂寞啊!我每晚衹可以攬住我部notebook,用龜速嘅中國移動edge上網咋!連網頁瀏覽都困難啊!人人喺屋企溫馨舒服咁享受電視節目,我晚晚衹可以攬住部radio喺到聽節目,睇電視對於我嚟講,已經喺奢侈嘅行為!

                               我好想返去啊!好掛住深圳,縱使深圳唔喺最靚最好嘅城市,我依然愛佢!


                                   幾時,我先可以逃離哩一塊唔屬於我嘅土地,哩一個唔屬於我嘅城市?
]]> http://blog.163.com/chri5_mao/blog/static/10426859200881913910350 0 http://blog.163.com/chri5_mao/blog/static/10426859200881913910350 Fri, 19 Sep 2008 01:39:10 +0800 2008-09-19T01:39:10+08:00 <![CDATA[2008.09.05 動搖]]> http://blog.163.com/chri5_mao/blog/static/1042685920088510162771                                                    首先,喺到向我死去嘅花花同小白們默哀半分鐘!
                                         
           嚟咗都有兩個幾月了!不過開始有啲心灰意冷了!近哩一個月,我有成7隻豬豬死咗啊!好鬼傷心啊!幾日嚟一直喺到反思,我今次嚟究竟啱定錯啊!當初我極力唔同意過嚟做畜牧業!因為我根本冇經驗!最後老母又話出殺手锏!唔去做住屋企要我交租喔!我咪死死哋咁走嚟囖!依家,佢又話我哋究竟點搞?半年唔到,死一半咁制!我有時真喺好鬼嬲佢嘎!神又佢鬼又佢啊!依家仲把幾火啊!真喺好想通佢講!媽子,你得咗!
            依家打算轉個地方做,又頭都大!我哋租嘅哩個地方聽講風水唔好!加上我又見到嗰味嘢!搞到晚晚都幾咁難瞓著,有時候啲嘢唔到我唔信,啲豬豬接二連三咁死!之後去打聽打聽,原來哩個豬欄以前房東養嘅時候,已經有啲問題,佢嗰三十隻豬豬,全部一夜之間全部死咗,仲有隻喺鐵支插喉而死!我聽到都咪話唔驚!所以哩兩日喺到籌備緊搬屋嘅問題啊!煩到我一個頭兩個大!啱啱全部搞掂曬哩瑣碎嘢,準備好好哋大展拳腳,就話要搬!唉!真喺好煩!
             其實我已經好像打退堂鼓!因為咁落去!唔知有乜賺頭!好掛住深圳,好想返去啊!但喺我唔可以咁快灰!我嚟喺揾錢嘅!我要堅持!我唔可以俾人睇死嘎!我要做養豬大亨!


             另外,喺到幫我老表征婚,幫佢揾個女朋友!因為佢個人比較靦腆,比較內向,所以一直冇乜女人緣!不過佢個人幾好相處,幾nice嘅!如果各位有興趣嘅可以add我嘅QQ或者msn!先爆佢肉照!


profile
name:man fu
age:30
不過事先聲明!佢衹識兩種語言!
客家話同英文!哈哈哈!
                                
]]> http://blog.163.com/chri5_mao/blog/static/1042685920088510162771 11 http://blog.163.com/chri5_mao/blog/static/1042685920088510162771 Fri, 5 Sep 2008 22:16:02 +0800 2008-09-05T22:16:02+08:00 <![CDATA[2008.08.22 苦日子]]> http://blog.163.com/chri5_mao/blog/static/10426859200872202743326          又過咗一大段時間冇寫blog了!鋪曬塵了!距離上次寫都有成個月冇掂過blog囖!首先喺到恭喜中國舉辦奧運開幕式咁成功,之後再恭喜中國攞咁多獎牌!雖然有好多嘅遺憾!不過都依然覺得好成功!
          嚟咗哩邊咁耐!都慢慢開始習慣哩到嘅生活了!雖然有啲唔方便,不過都OK嘅,挨得到落去!哩到地方處於北江邊,望過江嘅對面就喺佛山三水區!好話唔好聽!買餸我都要行過個市!三水買餸四會煮飯!嚟得哩到梗有周圍行下咁了!俗語都有話入屋叫人,入廟拜神,所以我第一個去嘅地方就係寺廟了!
          首先,嚟到市鎮附近嘅一咗郊野公園中嘅一座塔據聞有返些少歷史嘅!梗要去睇睇了!其實都冇乜嘎咋!座塔都冇嘢玩,當減下肥!不過郊野公園空氣的確幾清新!不過行到我隻"積"咁!其實哩到有好多嘢影嘎!可惜啊!我冇部好嘅相機!將就住先了!
           隔冇兩日,又坐渡輪過江對面嘅蘆苞鎮,原來依家仲有趁墟日嘎!每逢7都特別多嘢買,例如7號,14號,21號咁!不過啲嘢就唔多啱買了!喺啲乜雞鵝鴨咁嘅嘢!不過師奶嚟到一定叫好啊!啲嘢好鬼便,十八蚊可以買到三隻斤幾重嘅鴨仔!你都咪話唔抵啊!哩到啲人成日話去茶樓飲茶,我咪好奇,都去咗囖,與其話喺茶樓,不過就喺間茶寮!不過啲嘢便到你唔信!二十蚊可以食到你飽!不過衛生環境就.......!喺有啲差!不過農村嚟嘅,烏蠅都冇城市咁毒啊!飲飽食醉當然唔少得周圍逛了!我行啲老城區(其實所謂新城區,同深圳關外某些市鎮差唔多)嗰邊走走!啲門真喺好似外來媳婦本地郎嗰啲西關大屋咁款,個門好多橫木欄住咁款,而且家家戶戶都喺咁嘅!
          買完要買嘅嘢,冇理由咁早返去嘎!見時間尚早!於是又走去哩邊嘅寺廟望一望了!一路沿住江邊行,跟住個路牌行咗好鬼耐!卒之俾揾到你,武帝廟!路過拜拜佢,可能會勁抽哋嘎!跟住follow個路牌一路行,一路行!終於到今次嘅目的地了!不過我唔鬼記得叫乜廟嘅地方啊!都幾大間嘎!可惜啊!冇帶靚相機!浪費咗我20蚊門飛啊!!
           最後,show下啲新生代,啲出世冇幾日嘅豬仔好鬼死QT嘎!不過身上嗰陣騷味就好惡頂!冇人諗到四個月後佢哋就變成你哋市場上做買到嘅豬肉喇!
           唉,至衰冇相機啊!有好多奇特嘅嘢都未影到,好似拳頭咁大嘅癩蛤蟆,仲有啲雞公蟲......!!搞到我越嚟越渴望部D80快啲到手了!加上某高中同學陳X炫日日喺到毒害我!好想要啊!!!!!
                       
                                            下一站,佛山黃飛鴻故居,大南山公園
]]> http://blog.163.com/chri5_mao/blog/static/10426859200872202743326 10 http://blog.163.com/chri5_mao/blog/static/10426859200872202743326 Fri, 22 Aug 2008 11:12:51 +0800 2008-08-22T11:12:51+08:00 <![CDATA[2008.08.08 榮辱與共 中國奧運]]> http://blog.163.com/chri5_mao/blog/static/10426859200878115238790

                                                                    激動人心,非常振奮!

                                                    奧運開幕式先睇到一半,激動嘅心,難以壓抑!

                                                         睇到自己做東道主,睇到自己嘅代表隊!

                                                             嗰份激動,嗰份感覺,嗰份震憾,

                                                                  我相信每個中國人都有!

                                                                            中國加油!

                                                                           我們的母親!

]]> http://blog.163.com/chri5_mao/blog/static/10426859200878115238790 2 http://blog.163.com/chri5_mao/blog/static/10426859200878115238790 Fri, 8 Aug 2008 23:52:38 +0800 2008-08-08T23:52:38+08:00 <![CDATA[2008.07.11 無奈]]> http://blog.163.com/chri5_mao/blog/static/10426859200861182445547

         又是返到嚟哩個鬼地方了!唉!返咗深圳一個禮拜!喺幾咁寫意嘅生活啊!一返到嚟又唔慣!不過起碼有個好啲嘅消息俾到我安慰了!間磚頭屋仔終於開始起緊了!挨多半個月可以有瓦遮頭!唔使同花花瞓埋一間房囖!仲可以申請網線!依家用緊部電話駁條cable落電腦!用gprs上網!幾慶幸我有申請啊!不過點解當時要改plan啊!依家得嗰100m,玩下QQ仲得!過多幾日冇網上囖!原來用電話上呢!真喺好慢嘎!不過好過冇啊!連相都唔敢upload啊!

                                   加油!仲有10日我就可以擁有電話線了!挨下了!

                                    唔敢寫太多!怕冇流量!依家先發覺!好憎啲人喺群到刷屏同發圖片啊!

]]> http://blog.163.com/chri5_mao/blog/static/10426859200861182445547 4 http://blog.163.com/chri5_mao/blog/static/10426859200861182445547 Fri, 11 Jul 2008 20:24:45 +0800 2008-07-11T20:24:45+08:00 <![CDATA[2008.07.02 回歸]]> http://blog.163.com/chri5_mao/blog/static/104268592008628511619

      今日,坐咗我成四個鐘頭車,終於返到哩個我闊別咗半個月嘅地方了--深圳!我返咗嚟了!走咗一排,先發覺深圳真喺好好!喺四會生活咗嘅哩段時間,好唔習慣.早睡早起,似乎喺農村嘅標準習慣.過咗八點,周圍一片黑暗,去邊都要嗱住支電筒!好唔方便!

          今次返嚟,主要喺搞掂以前遺漏嘅手尾,搞掂埋,都可能唔多返嚟了!

 

                              要對住間咁嘅嘢,其實都唔好受嘎!哩到啲蚊好大隻,山蚊!最大隻可以同烏蠅比!蟾蜍,同街都喺,唔喺一般嘅多!每晚都可以見到一堆咁嘅蟾蜍喺你腳邊走,唔知佢哋喺到閱兵定開RAVE PARTY,又或者喺家庭同樂日啊!哈哈!我通常稱呼佢哋為特種部隊!無處不在!仲有毛蟲->,行過啲番石榴樹隔離要格外小心,唔喺俾佢哋掂到都幾喺嘢!皮膚敏感死了!而且哩到啲毛蟲好鬼colorful啊!超得人驚!仲有啲現象好鬼奇怪啊!哩到超多福壽螺,福壽螺蛋癡到通街都喺啊!而且啲福壽螺多到冇人有!喺啲魚塘入面全部都喺!蝸牛都喺佢哋嘅近親啊!哩到嘅蝸牛特別大隻,唔知喺咪營養好!冇乜人理佢哋,夜晚行路成日一個唔覺意就殺咗唔少蝸牛了!

             其實都應該俾人睇下我最近搞乜了!咔咔!去到嗰邊,先發覺,原來開農場開頭喺鬼咁辛苦嘎!擔擔抬抬!整咗我幾日,晨早就瞓,第二日腰酸背痛啊!做咁多,都喺為咗佢----住得舒適啊!唉!攰到我啊!成隻積咁!日日早上,8點左右就會喺到叫肚餓,首先幫佢請理佢鋪床,之後再要喂佢食飯,食完飯再清理多次佢鋪床!做落都幾喺嘢啊!不過都算佢哋聽話,冇亂嚟!上次花花同小白打交!結果兩個都俾我打鑊金嘅!咔咔!過多幾個月有豬仔睇了!到時影俾大家睇!

              其實好像買相機嘎!可惜啊!費事未揾錢先洗錢!所以將就住用手機先了!仲有好多新奇嘢未影低!

              開始慢慢咁習慣做農民了!其實一日做完嘢,都唔使三個鐘頭,其他時候就free嘅!一日到黑冇事揾事做,唔喺捉魚就走去揾雀仔竇!今日返嚟錢仲俾我捉到條筷子咁粗嘅蛇仔!至衰喺冇容器!唔喺我帶返嚟深圳嘎喇!

               最後,show下哩到嘅風景同埋今年至hit嘅農民!其實唔單止牛仔很忙!農民都很忙!

]]> http://blog.163.com/chri5_mao/blog/static/104268592008628511619 18 http://blog.163.com/chri5_mao/blog/static/104268592008628511619 Wed, 2 Jul 2008 20:05:11 +0800 2008-07-02T20:05:11+08:00 <![CDATA[2008.06.14 收拾心情]]> http://blog.163.com/chri5_mao/blog/static/10426859200851443030503

         今日,終於都搞掂曬行李,行程,準備好出發!我今日亦都終於買到部notebook了!首先,要多謝楊科同志,我唔夠錢,佢私人幫我墊住先!

              我終於買到了!

          可惜,并唔喺好開心,因為,我準備離開深圳了!一個養育我成長嘅地方,一個好多回憶嘅地方,一個值得我留戀嘅地方!我將會去四會發展我嘅農業事業!雖然,講到四會,好似冇幾遠地方,來回都好方便!可惜并沒有太多嘅時間俾我返嚟深圳了!我要告別深圳三年了!嗰到做嘢并唔辛苦,但喺條件好艱苦,頭三日去,冇水,冇電,冇地方瞓!屬於我哋嘅衹有個豬欄!我要喺嗰到瞓!衛生環境好差!但喺冇辦法.世界喺要挨出嚟嘎!我會盡我最大努力,創造我嘅財富!我可以忍受一切嘅不利因素!

            今晚約咗幾個朋友出嚟坐,當然,唔可能全部約曬了!大孖哥由於身體不適,嚟唔到!好可惜!好遺憾!有某部份朋友由於工作關系,都見唔上面,都喺一種遺憾!我會記掛你哋嘎!亦都希望你哋祝福我了!

             哩篇可能喺我今個月耐寫到嘅最後一篇日志了!因為接落嚟,我會喺一個艱苦嘅地方開始生活了!

               最後,祝我生日快樂,雖然哩份生日禮物并唔喺十分好!不過好似再一次出世,重新邁向人生!

]]> http://blog.163.com/chri5_mao/blog/static/10426859200851443030503 13 http://blog.163.com/chri5_mao/blog/static/10426859200851443030503 Sat, 14 Jun 2008 04:30:30 +0800 2008-06-14T04:30:30+08:00 <![CDATA[2008.06.11 農民]]> http://blog.163.com/chri5_mao/blog/static/10426859200851134026871

         農民,喺城市嚟講,一個貶義詞,鬧人農民,即喺話人冇知識,冇見地!但喺我自己都諗唔到,我依家要由一個城市人變做一個農民!哈哈哈!

          前兩日,老豆突然叫我陪佢去四會(我發覺原來好多人唔知四會喺邊到,但喺知道三水,奇怪!)嗰到!我見冇事做,咪去囖!其實去做乜,我自己都唔知道!點知道去到喺到睇豬欄,睇魚塘,睇菜地!後尾我先知道,我爸爸要搞農場,我要喺嗰到睇住個農場!即喺話!我要做農民了!

          以後我就要同一齊藕了!55555555,有啲唔舍得深圳啊!不過撈乜揾到銀兩,都要撈嘎喇!嗰到空氣都唔錯,好清新,夜晚仲可以見到螢火蟲添啊!我喺嗰到要住返2-3年!不過最惡頂嘅喺啲蚊又大隻過人,蛇蟲鼠蟻都好大隻!啲毛毛蟲好大條嘎!不過嗰到食乜都好鬼新鮮噢!菜自己種,覺冇農藥!嗰到啲走地雞,啲肉感簡直冇得頂啊!口感同市場賣嘅飼料雞簡直兩回事啊!仲有,落雨天成地都喺田雞,使鬼去買啊!?捉就有得食啊!而且我喺嗰到收咗兩條新靚喺一對姊妹哩嘎!喺咪幾得意呢!?仲有啲好唔錯嘅手信佳品!如果有人需要嘎話!我可以帶多兩條嘎!哈哈哈!!

                                       順手post下嗰日喺車展影到嘅相,因為跟住嗰幾年都冇得去車展了!

                    我們的合照

     

                     全場最嗦車模!

            

                                                       哈哈哈!疊埋心水做農民了喂!

                  

]]> http://blog.163.com/chri5_mao/blog/static/10426859200851134026871 33 http://blog.163.com/chri5_mao/blog/static/10426859200851134026871 Wed, 11 Jun 2008 15:40:26 +0800 2008-06-11T15:40:26+08:00 <![CDATA[2008.06.07 農歷生日]]> http://blog.163.com/chri5_mao/blog/static/104268592008571073425

         到咗端午節嘅前一日喇!亦都即喺我嘅生日了!不過我唔講,都冇乜人知道嘎喇!都25歲人了!陰功!老了老了!

          今年收到第一份嘅生日禮物喺蛋小姐送嘅銀行提款機啊!覺得幾過癮啊!不過可能都喺唯一嘅禮物喇!因為往年都冇乜收過禮物!

            喺到我都想同一個朋友講聲,生日快樂!一個同我同年同月同日生嘅人!希望佢都過得好了!

            我諗,哩個生日我會好平靜咁過喇!冇銀兩,閃得就閃啊!哈哈哈!

]]> http://blog.163.com/chri5_mao/blog/static/104268592008571073425 17 http://blog.163.com/chri5_mao/blog/static/104268592008571073425 Sat, 7 Jun 2008 10:07:34 +0800 2008-06-07T10:07:34+08:00 <![CDATA[2008.05.15 天災 人禍]]> http://blog.163.com/chri5_mao/blog/static/1042685920084153268403

          首先,我喺到懇求各位,睇到我寫嘅嘢,無論睇完或者冇睇完,或者一眼掠過,甚至衹睇過標題就覆嘅各位!為我哋地震中嘅死傷者,默哀,為我哋嘅救援人員呈上至高無上嘅敬意!有錢出錢,有力出力!哩啲都喺我哋可以做嘅!我向各位深深的致謝!

         2008,的確可以講唔喺一個好年,難得中國舉辦奧運,舉國上下,萬民歡騰!可惜,我哋中國迎嚟一場又一場嘅天災人禍!真喺令人心痛啊!

         2008.01.10,一場雪災,令到幾多人冇水冇電!冇糧食!有人被困馬路!被困者附近嘅某些人,攞啲公仔面嚟買,一個康師傅可以賣到成50蚊!仲要喺冇熱水沖!干啃!好多人被困高達7日!哩啲賣即食麵嘅人!講真,當時真喺有種想拉佢哋去槍斃嘅感覺啊!

          2008.03.26,X獨份子打砸搶事件,佢哋話要獨立,佢哋話要人權,佢哋話要自由!但喺佢啲嘅行為唔喺一般民眾,打人,動亂,燒人鋪頭,騎劫飛機?導致數十人傷亡?哩啲叫人權,咁樣俾佢哋傷害嘅人向邊個索討佢哋嘅人權啊?俾人破壞生計嘅人,又可以向邊個索取佢哋嘅人權啊?仲要想方設法咁去破壞中國奧運!佢哋哩種咁嘅行為喺應該懲戒!佢哋唔喺同中國X府訴求,談判!而喺要挾!所以!我雖然唔愛XX黨!但我愛國!佢哋應該受到懲罰!

           2008.05.13 一場不可避免嘅地震,一個慘絕人寰嘅災難!導致幾萬民眾流離失所,導致幾萬人痛失家人!我同學都喺四川,我都為佢擔心,好多在外嘅打工仔,都為家鄉擔心!哩次地震,達到中國最高級別嘅地震,好多問題都浮出水面,傷亡慘重嘅汶川,有中小學倒塌,好多學生死於非命,全部年紀都好細!我睇到當場心酸啊!眼濕曬!倒塌嘅學校經過檢測,喺屬於豆腐渣工程,喺村官同承包商勾結,貪污導致嘅!而且有人炮轟地震局,話先前有預兆,卻用自然遷徙來搪塞!仲有啲黑心嘅人,利用普羅大眾嘅善心,喺網上發動捐款來詐騙!哩啲咁嘅人,應該受到懲治!而且喺狠狠咁懲治!

             哩次災難,都體現出好多動人嘅故事,一個老師,為咗保護學生,幫學生頂住!我衹可以講--偉大!俾著我,可能自己走先!我哋解放軍采取空降部隊進行救援,喺一個極其惡劣嘅情況下,可能自己都會犧牲嘅情況下進行!我對佢哋深深咁致敬!今日首批空降部隊,已經有四人死亡,十人失蹤,我對死傷者呈上最高嘅敬意!中國軍人,你哋喺世界上最好嘅軍人!

               最後講句,依家討論X府嘅責任,討論邊個人,邊個單位捐款嘅數字,已經冇意義!人哋捐多捐少,起碼人哋有做過,有份心!依家來追討邊個嘅責任導致咁多人傷亡,都唔實際了!救死扶傷,喺面前嘅最重要最重要嘅問題!我哋應該團結,支持救援工作!任何反面言論,希望唔好再有了!

                                 

                                                                     I Love China!

]]> http://blog.163.com/chri5_mao/blog/static/1042685920084153268403 19 http://blog.163.com/chri5_mao/blog/static/1042685920084153268403 Thu, 15 May 2008 03:26:08 +0800 2008-05-15T03:26:44+08:00 <![CDATA[2008.04.23 AA你點睇?]]> http://blog.163.com/chri5_mao/blog/static/1042685920083233514286

         今時今日,成日話人人平等,咁其實AA制,人哋到底點睇呢?有啲人會覺得市儈,有啲人有覺得咁樣正常!其實我覺得AA制好正常!

          今日, Mss 莎 突然問我,對AA點樣睇!睇返佢同佢Friend傾嗰啲記錄,認為喺廣東人人嘅習慣!其實好早喺外國!已經好多人AA制了!其實我頗為支持AA制嘅!因為自己本身唔喺好有錢!月頭話傾下朋友食個飯!當然NO problem喇!但喺到月尾,資金收窄,自己食飯都成問題!依個時候AA就發揮佢作用了!

           不過,哩種模式都因地制宜,唔好下下搬出嚟!例如你賭錢贏咗錢嗰陣,食宵夜同人講AA!哇,你割和青?咁喺唔得嘅!又例如,新媾到條女,帶佢出去同啲friend食飯!你話AA,咁都唔掂嘅!其實,AA制喺某個時候,亦都喺一個好好利用嘅工具!如果有人想追你(當然個角度喺女人)嗰陣時,人哋約你出去食飯,其實你唔中意佢嘅,但喺又唔好拒絕喔!哩個時候同佢講AA制啊!咁應該條友會明白了吧!

 

                             我覺得,AA制喺一種幾唔錯嘅模式,有時講錢傷感情,攤得君真啲喺好事來嘅!

                                          不過都喺嗰句,因地制宜,如果你媾緊條女你都同條女AA!

                                                                    真喺拉得去打靶喇!

]]> http://blog.163.com/chri5_mao/blog/static/1042685920083233514286 15 http://blog.163.com/chri5_mao/blog/static/1042685920083233514286 Wed, 23 Apr 2008 03:51:04 +0800 2008-04-23T03:51:04+08:00 <![CDATA[2008.03.28 環保=慳錢]]> http://blog.163.com/chri5_mao/blog/static/10426859200822845553259

        新聞成日話,地球污染幾嚴重幾嚴重!未殺到埋身,都唔知驚!的確,廣東嘅普遍空氣都唔多好,特別係珠江三角.深圳啲空氣差到嘔,通街都係廢氣,好多人都有鼻炎哩種癥狀!

          所以,我決定要環保!第一步,就梗係減少使用膠袋,用購物袋了!其實好多時貪方便,就用膠袋!不過依家開始,膠袋要俾錢先由囖!所以用購物袋環保又慳錢啊!

             之後,汽車嘅廢氣量好鬼大嘎!所以希望盡量近嘅地方搭巴士囖!由於我係環保人士,所以我唔揸車出街(哈哈,因為冇錢買車)!所以我排廢氣量得幾支煙!屋企嘅光管依家都全部換曬慳電膽囖!咪睇哩少少嘢,好似慳唔到幾多咁啊!其實計落來,小數怕長計咋!水喉要扭緊!唔用嘅電器要掹咗個插蘇佢!唔係插住一樣會浪費電!

             對於有啲屋企比較富裕嘅人來講,可能冇咩所謂!哩啲錢佢哋唔在乎!但係對於啲一般家庭來講,哩啲都幾重要!而且慳到錢又環保,何樂而不為呢?

          最近,連我隻BOSS都話要環保,戴購物袋出街嘎!型呢!

]]> http://blog.163.com/chri5_mao/blog/static/10426859200822845553259 27 http://blog.163.com/chri5_mao/blog/static/10426859200822845553259 Fri, 28 Mar 2008 17:06:17 +0800 2008-03-28T17:06:17+08:00 <![CDATA[2008.03.18 過渡]]> http://blog.163.com/chri5_mao/blog/static/1042685920082183101846

         已經開始有人投訴我懶了!咔咔!的確係比以前懶咗了!寫得少了!因為最近忙,所以冇咩點寫!

         今日,又俾老黑同志拖咗出去shopping了!買哩樣買嗰樣!唉!幫佢搞完部PSP,之後買咗部電話俾某人做禮物,仲係自己包嘅添啊!真係好鬼細心!講男人,我好佩服佢嘎!之後兩條麻甩佬走去jusco到買嘢!哈哈,超驚俾人以為我哋兩個係死GAY佬咋!兩個男人老狗走去買埋啲日用品啊!老黑同志哩幾日就忙住搞哩樣搞嗰樣!唉,想做嘅事已經踏出第一步了!希望順風順水了!係jusco見到個購物袋幾啱肥小姐!就買鬼咗俾佢囖!雖然冇野田妹嗰個鋼琴包好睇!不過攞來裝樂譜嘎話!應該都幾啱嘎!而且依家提倡環保啊嘛!攞去買餸都係個唔錯嘅選擇啊!

            工作基本上搞掂了!而且最近嘅事情開始順心了!琴晚睇星座,話我雙子座今個月運氣唔錯,工作,情人,家庭三兼顧!希望啲好運跟著我唔好走了!

                              最後送上肉照一張!

                                         我個blog唔求多人瀏覽!不過希望,來睇嘅,就唔該真係睇!起碼路過留下足跡喇!

]]> http://blog.163.com/chri5_mao/blog/static/1042685920082183101846 22 http://blog.163.com/chri5_mao/blog/static/1042685920082183101846 Tue, 18 Mar 2008 03:10:01 +0800 2008-03-18T03:10:01+08:00 <![CDATA[2008.03.09 懶人日記]]> http://blog.163.com/chri5_mao/blog/static/1042685920082915552804

         原來我寫日記之間嘅間隔都幾耐嘎!都唔可以叫日記了!叫周記,叫月記了!發覺越寫就越嚟越冇乜好寫!日日都係咁過!想寫...!但係又好似今日冇發生過乜事!冇咩好寫!但係寫...!又唔想寫流水帳!揾啲精彩嘅嘢寫!自己越嚟越挑剔了!唔通我有日想做大作家?

          最近好多嘢煩,啲雜碎嘅事係到纏繞住我!社保,工作,銀紙問題樣樣都一齊嚟!痛苦啊!

                 恐懼吶喊中!

           哩張相影到我好鬼"靚仔"嘅啫!咔咔!不過唔怕擺上嚟!預咗俾人踩!我嘅blog我話事!唔中意就咪睇!!!!

           年過完了!一切都回覆到正常了!唉!暫時淡忘嘅問題有漸漸咁浮現返出來了!工作問題!一直都係我煩惱嘅!不過都好!開始有面試了!應該得嘅!一定得嘅!發覺依家冇學歷,真係好大嘅障礙.真係後悔以前冇好好哋讀書啊!爛型咁,唔讀!後悔啊!依家又咪要繼續進修自己!時間係自己嘅.應該要自己handle返!

                         天日去電靚把髮!整返個返工look先!不過希望軍少手工好啲了!

]]> http://blog.163.com/chri5_mao/blog/static/1042685920082915552804 13 http://blog.163.com/chri5_mao/blog/static/1042685920082915552804 Sun, 9 Mar 2008 02:09:29 +0800 2008-03-09T02:09:29+08:00 <![CDATA[2008.2.20 最近...]]> http://blog.163.com/chri5_mao/blog/static/1042685920081202165788

         最近發覺自己越來越懶了!冇嘢寫了!真係江郎才盡啊!而且次次返到屋企想寫!沖個涼,覺得攰了!就諗住第二日寫!到第二日就唔知想寫咩了!

          最近,發覺自己成日唔係屋企!成日係外面!太貪玩了!55555555.....!!!

               前段時間嘅某日!同傻菇(如圖)同志仲有我brother傻傻哋咁就去睇漫畫展!開頭以為會好似電視睇到香港嗰啲咁嘅漫畫展咁盛大嘎!點知去到!得小貓兩三隻!又冇cosplay睇!而且全部小朋友!OH!Shit!哩鋪真係俾個漫畫展玩謝!真係後悔!

           之後過冇兩日,又走咗去珠海行咗轉,冇咩特別,由於手機冇電!冇PHOTO!

            2月15號 今日就唔記得幫black整乜鬼嘢,後尾無端端走咗去摘士多啤梨!不過唔知係咪今年特別凍嘅問題,D士多啤梨一啲都唔紅!不過味道還可以!←（黑哥本尊)哈哈!做咗一個下晝農民!係塊田到行來行去!感受下大自然嘅氣息啊!

            2月17號 今日無所事事,走去屋企附近間新嘅K房星期八到試唱下!點知原來便到嘔嘎!新開張期間!買一個鐘送三個鐘!抵到爛啊!所以嗰日我係嗰到藕咗個下晝!不過衰就衰在冇的存酒!可惜啊!希望佢遲下會完善啲了!

            2月18 臨急臨忙叫我去河源!收到個電話嗰時都傻咗!原來去浸溫泉!不過因為咁激嬲咗肥小姐!最近都冇咩點陪到佢啊!唉!又嬲我了!不過算了!既然去,就忘記啲煩惱了!開咗幾粒種車,又兜兜轉轉,蕩失下路咁!終於到咗嗰間咁嘅和平溫泉了!嗰到景好靚下!溫泉都唔錯!不過就人太少!我哋四個人去住間別嘢!空過頭!除咗浸!又乜嘢都冇得玩!都幾悶!不過浸完溫泉都幾relax嘅!哩次去嗰到都不枉此行!

 

                                 咁就過咗幾日了!唉!真係,廣東周圍游啊!天氣開始熱返啲了!人都舒服返曬!

]]> http://blog.163.com/chri5_mao/blog/static/1042685920081202165788 16 http://blog.163.com/chri5_mao/blog/static/1042685920081202165788 Wed, 20 Feb 2008 14:16:57 +0800 2008-02-20T14:16:57+08:00 <![CDATA[2008 2.8 New Year]]> http://blog.163.com/chri5_mao/blog/static/10426859200818104241643

         眨眼又到新年喇!N耐冇寫blog啊!皆因唔知寫咩!都係啲零碎嘅小事啊!而且,天氣凍啊!鍵盤都懶得打啊!寒冷嘅天氣持續咗好耐下了!今年嘅新年,有啲意思!夠曬凍!舒服!哈哈!

          大門同志就係農歷新年前結婚了!佢結婚嗰日!我哋做兄弟嘅,個個凍到隻積咁!唔係講笑!得嗰五度!十幾條友係路邊癡花車!真係凍到黐膠花啊!嗰日我負責做"炮"手!即係燒炮仗嗰個!哈哈!夾攻水輝部車來炸!爽啊!

           今日,返咗村到食飯!同啲親戚朋友聚下!見到好耐冇見嗰三隻百厭星!哈哈!大個咗了!可愛死了!唔停咁走來走去!wewa鬼叫!超級可愛啊!

           ←萬千寵愛在一身

 

             ←像領導麼?

 

         睇住佢幾個細路,感概萬千啊!我已經晉升為叔叔舅舅級人馬了!咔咔!應該要轉換心態了!咔!偷懶咗咁耐!要勤奮了!

                                              係到同大家拜個遲到嘅新年!!!!

         仲有,我應該要多些edison啊!冇佢嘅艷照門事件!哩個過年肯定悶到出汁啊!依家佢嘅事爆咗出來!我哋都冇咁多話題講!多謝佢先了!咔咔!

]]> http://blog.163.com/chri5_mao/blog/static/10426859200818104241643 13 http://blog.163.com/chri5_mao/blog/static/10426859200818104241643 Fri, 8 Feb 2008 22:42:41 +0800 2008-02-08T22:42:41+08:00 <![CDATA[2008.1.18 Cold]]> http://blog.163.com/chri5_mao/blog/static/1042685920080186156207

        又一段時間冇上來了!2008年嘅一月都過咗一半了! 最近天氣變到凍咗好多啊!不過真係爽快!我比較中意D凍嘅時候!因為又可以打邊爐了!爽!

                      

             頭髮剪短咗!Ready緊揾工了!之後就應該準備定一套戰衣!咔咔!揾工時候用嘅!咁就齊全了!不過農歷年未到,本命年都未過啊!好鬼煩啊!越窮越見鬼(因為揾唔到理由,唯有賴本命年)!揾工唔成功!BOSS佢又病鬼咗喔!頂!洗咗成千銀佢先話好返!不過都好嘅!我覺得自己比蛋小姐幸運!佢洗咗千幾!隻狗都係比較中意耶穌多啲啊!離佢而去囖!講到BOSS,佢前段時間真係好頹!成隻死狗咁!拖咗佢去醫院,問下醫生價錢!當時覺得真係好貴!冇咁多錢來醫!佢應該多謝我細佬喇!唔係我細佬!我拎咗佢去人道毀滅了!住院嗰陣嘅BOSS唔多聽話!成日想咬人!所以就戴住個喇叭頭!好鬼搞笑啊!我抬佢出街都俾人笑半日啊!依家BOSS好返喇!龍精虎猛咁!放心曬囖!不過都導致我欠落千元巨債啊!痛苦啊!過年冇錢洗囖!

             今年愿望?keep fit依然係我嘅主題!我要減肥!我要冇肚腩啊!耶!!諗起幾年前個fit樣!~~~~感嘆ing!冇咗了!最近生BB好似成為熱潮,無論初中,高中,大學!都有同學話要生得了!豬年生個BB喔!希望佢哋嘅BB健健康康咁出世了!而我呢?未係時候!等多兩年先了!咔咔!

                                        天氣凍了!記得著多件衫啊!不過我希望更凍!

]]> http://blog.163.com/chri5_mao/blog/static/1042685920080186156207 18 http://blog.163.com/chri5_mao/blog/static/1042685920080186156207 Fri, 18 Jan 2008 18:01:56 +0800 2008-01-18T18:01:56+08:00 <![CDATA[2008.1.3 Point]]> http://blog.163.com/chri5_mao/blog/static/1042685920080311210235

         08年已經到喇!應該有新嘅景象了!新嘅觀點!新嘅體驗!咔咔!我屋企隻boss都應該換下新look,著上新裝!

                         

             佢著住我幫手做嘅新衫(雖然手工唔多好),今年至HIT嘅監躉裝!係咪好潮呢!?雖然外面有得買!亦都唔會貴!但係我都係熱衷DIY!自己來嘅感覺!好好!

             踏入08年了!應該開心嘅,應該傷心嘅,都留返係07年了!新一年,我要有個新目標!成個07年,渾渾噩噩咁過咗了!浪費咗一年嘅時間!一年做物業游民!一年都係Otaku!今年,唔可以再頹廢了!我需要一個目標!人生存在世總需要個目標!緬懷過去!活係回憶里面!就行唔出來了!

                                             寄望08可以改變自己!寄望自己可以成材!

                                                      New Year For New Live!

]]> http://blog.163.com/chri5_mao/blog/static/1042685920080311210235 10 http://blog.163.com/chri5_mao/blog/static/1042685920080311210235 Thu, 3 Jan 2008 01:12:10 +0800 2008-01-03T01:12:10+08:00 <![CDATA[12.31 07年last day]]> http://blog.163.com/chri5_mao/blog/static/104268592007113112932455

         依家係12月31號嘅凌晨,就到一點了!踏入07年嘅最後一日!好多嘢諗啊!回顧哩一年來!究竟做過D乜?哈哈!睇住個月份牌,覺得咁快又一年了!原來日子并唔係好長嘎咋!拖下諗下玩下咁就過了!今年係香港回歸10周年了!但係1997年,嗰陣文錦渡口岸D駐港部隊由嗰到過去嗰陣嘅場面!我依然記憶猶新啊!人老了!中意講從前!1997年,我啱讀初中嗰年!1997年,買豬肉仲係幾蚊斤嗰陣時!1997年~~~~好多嘅曾經!!!

           轉眼就來到2007了!而且今日仲係最後一日添了!時間話咁快就過!十年了!回望過去嘅時間總係最快樂嘎!讀書嘅時候冇咁多嘢煩!依家,煩嘅嘢多咗,諗嘅嘢多咗!人就越活越倒退,越活越過去!想留係D開心嘅回憶里面,唔想走出來!咔咔!每到哩個時候個人都好down啊!哩一日其實用咩心情對待?緬懷過去?期待新一年?唉!煩!

           發覺最近嘅人際關系差曬,一個月冇出過去,朋友唔問,亦都冇人揾!電話費可以月頭充壹佰,扣咗40幾蚊月租,到今日,電話入面仲有成40蚊!好諷刺啊!以前電話就成日個個月都唔夠錢充!依家,個個月嗰300條短信都飛唔過一半!哈哈!移動賺咗我唔少錢喇!Otaku嘅生活!唉!聖誕自己一個人過!我睇新年都可能係!打親電話俾人!各有各忙!冇人得閑so我!人大咗!總有煩惱嘎喇!以前班Friend依家都冇咩揾我嘎了!點解?因為我冇嘢做!冇銀兩囖!人哋個個都話返工攰!其實我都好渴望揾份工做!我都好想有得忙!可惜我又懶,有啲挑剔!下一年,唔可以再咁了!

            新嘅一年,寄望我可以揾到份好工!新嘅一年,我希望自己可以更加進步!Happy New Year To Everybody!

                            

              Boss,還是你最好!咔咔!幫我看門趕蠈跑!農歷新年將近,要做好家居安全啊!

]]> http://blog.163.com/chri5_mao/blog/static/104268592007113112932455 14 http://blog.163.com/chri5_mao/blog/static/104268592007113112932455 Mon, 31 Dec 2007 01:29:32 +0800 2007-12-31T01:29:32+08:00 <![CDATA[12.25 X'mas]]> http://blog.163.com/chri5_mao/blog/static/104268592007112542856555

         聖誕節,又來了!往年聖誕!總會揾D藉口,周圍走!今年,老了!走唔郁,而且都冇人約了!我被拋棄了!lonely x'mas啊!

                                   

            成日好渴望見到雪景嘎!照姐係河南,落雪了!仲以為佢嗰邊有雪應該會有興添!點知仲蕭條過深圳啊!老了!唔知道聖誕節應該做咩!可以做咩!?羨慕?個個都應該出咗去玩吧!但係我又唔想出去玩!可能就係想有人揾下吧!咔咔!其實今個聖誕好想食火雞啊!啲鬼佬感恩節同聖誕節都食火雞!我想試下好冇食啊!可惜!都係冇人陪我食!之後又諗住買套聖誕老人衫來著下!睇到啲價錢....2222222222!!!貴到買唔落!冇理由為咗著一次俾人斬!

                                哩個聖誕係我最無聊嘅聖誕!不過無聊嘅聖誕應該陸續有來!           

                                                          Merry X'mas To Me!!

]]> http://blog.163.com/chri5_mao/blog/static/104268592007112542856555 11 http://blog.163.com/chri5_mao/blog/static/104268592007112542856555 Tue, 25 Dec 2007 16:28:56 +0800 2007-12-25T16:28:56+08:00 <![CDATA[我的密友]]> ɑ..ω細ゞoo ︶ㄣ.淇ˋ﹏ ~’ 3_堡 猪头。。 ]]> http://blog.163.com/chri5_mao/friends Tue, 1 Jan 2008 00:00:00 +0800 2008-01-01T00:00:00+08:00