i Am Gaile_Chung....

.

 Fisrt day : 出發 + 海底撈火鍋

11:00am出發去機場..我人仔細細.但我拖個咭係最大嘅..好似好浮誇.

飛機降落時見到地面大片大片嘅積雪..興奮~~..

4:30pm到達北京...Christin個fd"楊哥哥"嚟接機..車我哋去食海底撈火鍋..

海底撈果然名不虛傳.服務好.味道好...等位有嘢食..去完WC有人遞handcream俾你..嗰度食嘢要围围裙.哈哈

10:00pm 入住敏婷啊姨免費提供嘅兩房兩廳house.此程真可以話係出門遇貴人啊~~

  

 

 

-------------------------------------------------------------------------------------------------------------------------------------

Second day :長城 + 前門 + 天安門

嚟到長城腳下..已經強烈感受到寒风的威力..我哋想縮沙走人..凍死人了..

長城腳下D商舖博命逼我哋租佢D羽絨衫..著得我哋好樣衰..

後嚟我哋決定放棄爬上去....但不到長城非好漢嘛..我哋要做好漢...所以....決定坐纜車上去..哈哈哈

大風吹到部纜車左摇右擺..嚇到我哋狂嗌救命....山顶零下10度..我只係逗留咗幾十秒..即閃人再坐纜車落山.

長城唯一的合照都俾我哋毁咗.個個都影得超醜..凍到個個都唔顧及形象了...頭髮亂飛衣服亂包.

 

 

食北京老字號爆肚兒..好食到爆!!見到爆肚馮老伯..老伯本嚟做緊訪問..肯停落嚟同我哋影相.真係好人...

前門大街成條街都好有FEEL~~好有中國傳統建築特式..又聚集咗好多大牌店~~

  

 

去完前門仲有少少時間..去咗天安門廣場轉咗圈..

喺北京好麻煩..周圍都安檢..搭地鐵要安檢..入個廣場都要安檢...

 

-------------------------------------------------------------------------------------------------------------------------------------

Third day : 毛主席纪念堂 +  天安門城楼 + 東來順 + 王府井

喺紀念堂外面排咗超長超耐嘅隊先入到去見毛爺爺..入到走半圈.先見到毛爺爺几秒鍾..

紀念堂外影紀念照..個攝影師超衰..我哋明明係買咗6個鏡頭..佢先幫我哋影咗4個鏡頭..仲超惡..搞到我张相皺曬眉

 

之後上天安门城樓..感受下毛爺爺當年宣佈中國成立嘅情境...

原計劃今日參觀埋故宮..點知奥巴馬比我早一步到達故宫..搞到故宫闭馆..打亂曬我哋嘅計劃...

  

 

王府井大街好繁华..喺starbuck休息..順便寫曬要寄俾fd嘅明信片..

行行下見到間天主教堂..夜晚燈飾配襯得好靚..最衰唔俾入去..好想入教堂睇下..

晚上食烤肉..個waiter見到我浪費食物講咗句:願主保佑你...搞到我超唔好意思..

  

-------------------------------------------------------------------------------------------------------------------------------------

Fourth day : 國家大劇院 + 故宮 + 煙袋斜街 + 什剎海 + 四合院 + 恭王府 + 南鑼古巷 + 全聚德

今日係行程最密嘅一日..

  

 

故宮太大啦..人又好多..行到我哋好累好餓..王帝嘅生活真奢侈啊..

  

 

lunch過后嚟到煙袋斜街..呢條街都好有中國度特色..齊齊買冰糖葫蘆食.好味

穿過煙袋斜街就係什剎海..我哋包咗部纜車沿海游咗一圈..沿途經過酒吧街.四合院..宋慶齡故居.

    

 

遊覽恭王府時我哋混水摸魚混入咗一個旅遊團內面.免費聽導遊解說..

總算見識到和坤呢個史上最大嘅貪官..王帝屋企有嘅佢都有..甚至仲俾王帝嘅多..

入咗山洞內面摸咗個"福"字.. 導游話咁樣可以沾D福氣..摸完之後仲要即將手放入袋.將福氣帶上飛機拎翻屋企.

留意和坤屋企嘅窗口..每個窗口形狀都唔一樣噶..咁樣係暗示每個房裡面收埋唔同嘅金銀財寶...醒到~~~

 

 

南鑼古巷內面有好多coffee shop..每間都好細..但又逼滿曬人..環境都OK..但味道就SO SO..

  

 

 去最出名嘅全聚德食烤鴨..嗌咗好多"送"..呢餐全鴨宴有人請..好幸福~~

仲可以邊食邊睇表演..雜技..變面..魔朮等等...魔朮師落台嚟要我助佢一臂之力..咦..搞到我都面紅曬~~

 

 

-------------------------------------------------------------------------------------------------------------------------------------

5 th day : 天壇 + 老北京炸醬麵 + CCTV 大樓 + 世貿天階 + 三里屯

天壇聚集咗非一般多嘅老人家..搞到我哋格格不入咁..仲有回音壁不回音了..

 

 

仲以為炸醬麵好好食..仲搞到我哋一人叫咗一碗..點知每人食咗幾啖就唔要了..豆汁都唔好味.. 

 

去CCTV大樓係為咗睇佢燒焦咗嗰部份..黑糊糊一片..好可惜..

 

 

世貿天階大螢幕無開..搞到我嚟白去啦..

 

 

喺三里屯見到台灣藝人明道.佢喺度shopping..原來明星都會去Uniqlo買衫噶?!..望到我目瞪口呆..

但點解北京D人好似司空見慣..無咩好大驚小怪咁嘅..

      

 

-------------------------------------------------------------------------------------------------------------------------------------

6th day : 798艺术區 + 鳥巢水立方 + 西单 + 卡拉斯

嚟到798...一間間嘅畫廊..好多大師嘅作品我哋欣賞..咩叫藝術?! 一大堵墙.画一副净蓝色嘅板都係藝術..

 

 

鳥巢嘅外觀的確幾壯觀..入到去無咩特別..好似無電視上見到咁靚..

水立方因為維保..明年夏天先開放..

 

 

明明我哋要去西單..唔知點解"楊哥哥"車咗我哋翻屋企..搞到我哋再從屋企嗰邊再搭地鐵出翻西單..

喺西單度買北京特产做手信...又唔肯俾人試食..點知邊種好食咼..是但買啦...

最後去咗所謂嘅老北京"奔迪" ..3流演員..4流音響..OMG~~~簡直唔係我哋年齡層去嘅地方..好想快D走啊`~

(轉場去MIX啦..我要見明星啊~~~~)

 

-------------------------------------------------------------------------------------------------------------------------------------

Last day : 打掃 + 翻SZ

間屋俾我哋6個化骨龙住咗一星期..唔止門壞咗.廁所沖水又俾我哋整壞咗..

用曬一個下午嘅時間恢復原貌..好彩部鋼琴無俾我哋彈爛...賠唔起啊~~

 

 

喺北京機場同許志安擦身而過..人哋話喺北京好易撞見明星..果然無錯..

 

-------------------------------------------------------------------------------------------------------------------------------------

總結 : 呢躺旅程好好玩..如果無咁凍仲好玩....雖然只係見到積雪見唔到落雪..都唔錯啦..唔洗咁凍吖嘛..

           主要嘅景點都去曬..(清華北大...颐和园次要的啦~~)..名勝古跡都係大概瀏覽下..好似每間都大同小異

          都係紅橙綠的木結構建築..如果有個導游講解下比較好..會知得多D. (就好似和坤屋企咁.內含好多秘密噶~)  

          北京人都算熱情...街上好多公安..感覺比較安全..

          有少少遺憾就係喺長城同毛主席紀念堂兩張大合照影得唔靚..

          北京室內外溫差好大..又除衫又著衫..好累啊...深圳室內都裝暖氣就好嚕...

          同埋喺北京真係好易撞見明星..撞見你唔可以咁大反應..因為會顯得你好鄉巴..

          影咗勁多相.每人400幾..6個人就2500幾張..哇...咁多點处理啊...有D爆笑相..傳咗出嚟真係唔洗嫁人..

          仲有要特別鳴謝Christin同敏婷...哈哈哈..超開心有司機用..有人請食飯..有免費屋住~~~

          好好玩啊...我哋下一站去邊啊?!

 

 

更多相片請瀏覽：http://blog.163.com/y.uki_mao/album/#p1